Canal 
Aportant € 10
Eskerrik asko!
Tu nombre en la etiqueta de la nueva cerveza colaborativa + mención de agradecimiento en redes sociales.
> 06 Cofinançadors
Jabi Ortega: Elkarrizketa / Entrevista
11 | 10 | 2021
Bilbao Bizkaia Beer festibalean, Jabi Ortegarekin hitz egiteko aukera izan dugu, bera da Euskal Garagardo Elkartearen (EGE) lehendakaria, baita Gar&Gar eko kidea ere.
1. Euskal garagardo ekoizleen elkarteko lehendakaria zara, baina hori baino lehenago Gar&Gareko garagardogilea ere. Zer moduz zaude/te?
Azken bi urteetan, gure garagardotegian erresistitzen ari gara, gauza berriak egiten. Pasaden irailean 9 urtebete genituen, eta ospakizunean beste 9 urte beteko genituela esaten zigun jendeak… baina nik esaten nien datorren urtean 10 urte ospatzea dela helmuga. Poliki poliki, beti aurrera goaz baina kontu handiz.
2. Nola ikusten duzu gaur egun garagardo sektorea Euskal Herrian?
Gaur egun garagardo sektoreak Euskal Herrian ez du zerikusirik hasierako garagardo sektorearekin, eta gaur egungo garagardozaleek ez dute zerikusirik ere hasierako garagardozaleekin. Momentu honetan Euskal Herriko garagardoak kalitate handiagatik ezagunak dira bai Euskal Herrian baita kanpoan ere, eta garardozaleek gero eta ezagutza handiagoak dituzte garagardoaren inguruan eta hori dela eta kalitate hobea eskatzen digute etengabe.
3. Euskal Garagardo Elkartea zer den eta zer egiten duen kontatu ahal diguzu?
Euskal Garagardo Elkartea, Euskal Garagardoegileen elkartea da. Gure helmuga nagusiak elkartean hauexek dira: Euskal Garagardoen promozioa egitea, Euskal Garagardoegileen eskubideak defendatzea, garagardoen euskal lehengaiak hobetzea, marka kolektiboa sortzea, garagardoen formazioa sustatzea....
Helmugak betetzeko 5 arlo desberdinetan egiten dugu lan: Lehenengoa formazioa, HAZIrekin bi ikastaro antolatzen ditugu urtero. Bigarrena marka kolektiboa, Basque Beer-Euskal Garagardoa erregistratu dugu eta markaren erabiltzeko araudia sortu; ildo berean, kalitatezko marka baten inguruan lanean ari gara ere. Hirugarren arloa, garagardoaren promozioa, nahiz eta azkenengo bi urteetan posible izan ez den, Basque Beer Fest festibala antolatzen dugu urtero Donostian, bestalde Basque Beer marka kolektiboa Barcelona Beer Festival, Gustoko, Gastronomika edo Basquisite ekitaldietan presente egoten da. Laugarrena, Euskal lehengaiekin lankidetza; Arabako Aleekin Kalitatezko K-a lortzeko, baita ere Euskal Herriko lupulu produktoreen elkartearekin.... Bostgarrena eta azkena, Euskal erakundeekin eta gizartearekin harremanak, Eusko Jaurlaritzarekin hitzarmena sinatu dugu eta urtero Euskal Herriko Garagardoaren egoerari buruzko txostena egiten dugu gizartean plazaratzeko.
4. Zer proiektu potente daukazue esku artean gaur egun EGEren barruan?
Hurrengo hilabeteak oso garrantsitsuak izango dira elkartean. Hurrengo urterako Plan Estrategiko berrian lan egiten ari gara eta horren inguruan erabaki garrantsitsuak hartu behar ditugu, jakiteko noraino eraman nahi dugun elkartea.
5. Eta zuri, zerk motibatzen zaitu gehien elkarte honetatik? Zergatik sartu zinen enbolada honetan?
Elkartasunak indarra emango digu eta gehienak proiektu oso gazteak gara. Garagardo Industrialen boterea oso handia da eta ezin dugu gudara bakarrik joan. Elkarrekin indartsuagoak gara.
Enbolada honetan sartu nintzen oso erromantikoa naizelako eta gauzak aldatzea posiblea dela pentsatzen dudalako.
6. Azkenik, ohiko garagardo kontsumitzaileei zer esan nahiko zenieke?
Ohiko garagardo kontsunitzaleei gure garagardoak dastatzeko aukera ematea eskatuko nieke. Gehienek eskertuko digute aukera hori!!!
Comentaris
Inicia la sessió per deixar un comentari